"ආදරවන්තියගේ වටිනාකම"

තියාගෙන හිස නුඹ තුරුල්ලක
පියාගෙන ඉන්න නෙත්
නුඹ සිඹින තුරු නළලත............
බලාගෙන ඉන්න
කල්පයක් වුව නෙත් සර
දරාගත නොහැකි වන තුරු
සෙනෙහස............
සොයාගෙන උණුසුම
රැකගන්නට ජීවිතය
බලාගෙන සිටිය කල්
මදි වීද තව...............
අයාගෙන නෙත් දකින්නට නුඹ
පිරූ පින් තව ඇතිද මට..........
වෙලාගෙන සියොලඟම
සන්තාපය, තනිය
බලාගෙන සිටිමි මම
සන්තකයම ඔබට දෙන්නට..............
ජීවිතයට සොඳුරු නෑ තනිකම
නොමැතිව සෙනෙහසේ සුවඳ........
නුඹ ගැවසෙන ඉසව්වක ඉන්නට
තව බෝ කලක යාවිද............
ඉවරයක්‌ නෑ දකින හීන
මතකයන් විතරයි ඉතිරි අලුයම.............
සැබෑවෙන දිනෙක එය
හිමිව නුඹ මගේම වී
තවත් කිසිවක් මෙලොව නැත මට
ඔබ තරම් වටින....!